Падчас Ночы музеяў запрашаем на мерапрыемства, якога яшчэ ніколі не было ў Музеі POLIN!
“Музей гуляе” – гэта начны перформанс і сюжэтная гульня, у якой гісторыя рэагуе на твае рашэнні, а пастаянная экспазіцыя музея пераўтвараецца ў жывую прастору гульні. Ты не проста глядзіш. Ты гуляеш!
Гэта гульня на мясцовасці з элементамі RPG, якая будзе праходзіць у прасторы музея. Ты далучаешся да яе як гулец і становішся часткай гісторыі. Сустракаеш герояў і гераінь у касцюмах, выконваеш місіі і вырашаеш задачы, а таксама прымаеш рашэнні, якія рэальна ўплываюць на ход падзей. Увесь гэты час ты ствараеш сюжэт разам з іншымі ўдзельнікамі, даводзячы гісторыю да фіналу ў сакрэтным месцы.
Калі і дзе?
- 16 мая (субота), 19:30-22:00
- Музей POLIN + сакрэтнае месца
- Для каго: асобы 18+
- Мерапрыемства праводзіцца на польскай мове
- Прымаем заяўкі да 14 мая
- Пацверджанне ўдзелу дашлём 15 мая
Гульню ў межах курсу “Музей гуляе” стварылі студэнты і студэнткі ў супрацоўніцтве з экспертамі:
- Марцін Міцнэр – майстар гульні, праграмны дырэктар агенцтва Ale Granda,
- Мікалай Грынберг – пісьменнік і фатограф,
- Пётр Кавалік – галоўны спецыяліст ў галіне юдаікі і метадалогіі, Музей POLIN.
Што цябе чакае?
- Начное наведванне музея ў форме гульні;
- Элементы RPG: выбары, наступствы, узаемадзеянне;
- Гісторыя, з якой нас знаёмяць майстры гульні і перформеры;
- Атмасфера таямніцы, напружання і нечаканых паваротаў сюжэта;
- Незабыўны фінал.
Можаш прыйсці адзін/адна або з камандай, галоўнае – гатоўнасць да прыгод!
Чаму варта?
- Бо ўвечары ў музеі пануе зусім іншая энергія,
- Бо гэта ўнікальная падзея, падрыхтаваная спецыяльна да Ночы музеяў,
- Бо ты можаш стаць часткай гісторыі, якая адбудзецца толькі адзін раз.
Дашлі заяўку і далучыся да гульні
Даступнасць падзеі
Галоўны хол (узровень 0)
- Даступны ўваход: 2 пары паваротных дзвярэй і 1 шырокія аўтаматычныя дзверы (зялёная кнопка пры ўваходзе на вышыні каля 90 см.).
- Неабходна прайсці праз пункт аховы са сканерам і металадэтэктарам.
- Уваход з сабакам-павадыром магчымы, калі вы пакажаце дакументальнае пацверджанне ахове.
- Адсутнасць парогаў і архітэктурных бар’ераў, аднак шлях да касаў можа быць ускладнены праз мосцік з нахілам, які стварае цяжкасці для руху на вазку; ахова аказвае дапамогу.
- Абслугоўванне ў касах на польскай жэставай мове: серада, 10:30–16:00.
- Стацыянарная індукцыйная пятля каля касаў.
- Можна бясплатна пазычыць у касах нашыйную індукцыйную пятлю і гукаізаляцыйныя навушнікі.
- Можна бясплатна пазычыць мабільныя крэслы на час наведвання.
- Побач на гэтым жа ўзроўні знаходзіцца даступная туалетная кабіна з сістэмай выкліку і спавівальным столікам; пазнакі, напісаныя шрыфтам Брайля.
- Прыбіральня, абсталяваная спавівальным столікам і кушэткай, знаходзіцца на ўзроўні -1, куды можна спусціцца на ліфце.
Пастаянная экспазіцыя (узровень -2)
- Адсутнасць парогаў і архітэктурных бар’ераў.
- Доступ па лесвіцы або на ліфце. Лесвіца мае кантрасную маркіроўку; на парэнчах ёсць апісанні шрыфтам Брайля.
- Бясплатны экскурсавод для груп асоб з інваліднасцю.
- Асоб, якія жадаюць скарыстацца дапамогай асістэнта, просім звязацца з намі (праз электронную пошту, тэлефон або SMS) за тыдзень да візіту.
- Каля ўваходу ў асобныя часткі экспазіцыі знаходзяцца інфармацыйныя стэнды (PL/EN) і бясплатныя тыфламатэрыялы.
- Даступны бясплатны аўдыёгід на 12 мовах, у тым ліку з маршрутам на польскай жэставай мове. Мультымедыйныя матэрыялы кантрасныя, маюць функцыю павелічэння, а відэаролікі суправаджаюцца субтытрамі на польскай і англійскай мовах.
- Некаторыя элементы экспазіцыі могуць быць складанымі для сэнсарнага ўспрымання (гучныя гукі, святло, люстэркі).
- Можна бясплатна пазычыць у касах нашыйную індукцыйную пятлю і гукаізаляцыйныя навушнікі.
- Можна бясплатна пазычыць мабільныя крэслы на час наведвання.
- На ўзроўні 0 (доступ магчымы на ліфце ці па сходах) знаходзіцца даступная туалетная кабіна з сістэмай выкліку і спавівальным столікам; пазнакі, напісаныя шрыфтам Брайля.
Калі вы зарэгістраваліся, але не атрымалі ліст з пацвярджэннем, калі ласка, звяжыцеся з намі па адрасе: [email protected]
“Музей гуляе” – ноч перформансу і гісторый
19:30-20:30
16.05.2026 - 16.05.2026
