Ад верасня запрашаем вас скарыстацца дзіцячай бібліятэкай на нашай Пляцоўцы сямейнай адукацыі “У караля Мацюся”, дзе цяпер даступныя выданні на беларускай мове. 

Дзякуючы выдавецтву “Янушкевіч” у нас з’явілася доўгачаканае папаўненне – сучасная дзіцячая літаратура на беларускай мове. Сярод аўтараў – Ганна Янкута, Ціна Азевіч, Эльга Папова, Анджэй Малешка, Эрвін Мозэр і Антон Францішак Брыль. Кніжкі з цудоўнымі каляровымі ілюстрацыямі з нашай бібліятэкі будуць цікавыя для дзяцей ва ўзросце ад 2 да 11 гадоў. 

Цяпер на Пляцоўцы сямейнай адукацыі "У караля Мацюся", створанай з улікам патрэбаў наймалодшых наведвальнікаў, можна не толькі гуляць з дзецьмі, але і разам пачытаць кнігі па-беларуску.

“У караля Мацюся” –  бяспечная прастора для сямей з дзецьмі, якую можна бясплатна наведваць кожныя выходныя, каб маляваць, займацца музыкай і проста весела бавіць час. І, вядома, з дапамогай цікавых гісторый і прыгожых ілюстрацый вывучаць родную мову!

Прыходзьце, каб знайсці любімыя кнігі! 

А мы, у сваю чаргу, плануем пашыраць нашую бібліятэку. Сачыце за нашымі навінамі!